因為打跆拳關係，雙腳膝蓋的軟骨輕微蝕了少少，患處不痛也不嚴重。

香港醫生話， "沒得醫，唔痛就得啦" =.= 當然，我唔係要聽lee句話。

因此，我回大陸找一個骨科醫生睇下。

上次阿媽跌斷手， 威尼斯醫院的醫生，醫到她的手骨生錯位都唔知。

最後，都是這大陸醫生醫好阿媽的。

但是，大陸醫生都說，"沒得醫，但即管試試醫唔醫到。"

經過一個月的塗藥後，右腳好似好返d，左腳進展不大，may be再返上去睇睇。

這個月來，亦有d趣事及難忘事發生。

趣事 (1)

原來大陸，會賭博香港的六合彩

大陸既地下莊家變成香港馬會。若買中一個號碼，就1賠7。

但若中晒6個六合彩號碼呢? 都係1賠7。=.=

最搞笑既係， 49個六合彩號碼，被分成12生肖 (真係R晒頭)。

即1號 =屬鼠， 2號 =屬牛，3號 =屬虎，如此類推。

仲有好多精讀天書(好似會考咁)，及報章教人今期買牛的no.好，還是虎的no.好。

這個推測的方法，在某d城鎮極之流行。但原全係唔make sense。

我從未諗過，六合彩同12生肖會扯上關係。

經常耳邊會聽到: "阿姑婆，今期我話開隻虎呀。阿三嬸，我話開隻雞至岩。"

唔知內情的人，點會諗到他們講緊六合彩呢?!   (R晒頭.......)

真係要驚嘆地說一句: 中國人的幻想力真強，佩服 !!!

難忘事 (2)

大停電

在大陸大約住了30日，就停左大約15次電，即隔日就大停電一次，

每次維持3至4小時左右 ~

由於太多工廠用電，經常大停電。

晚上，全鎮大停電，簡直就係壯觀呀。(香港有幾何有得睇到呀?!)

停電無風扇，30幾度的高溫，真係熱到我叫救命  ~~

就算有電都只係好少少，因為不論早晚，電風扇吹來的風，

都是 "熱風"來的  (頂佢個肺) =.= 。

所以，有風扇的風會熱，無風扇的風就仲熱。係咪要我剝左層皮先唔熱呢?!

晚上睡覺，風扇開到最快，但仍不停流汗，成身濕晒。

(晚上都咁熱，可想而知日間有幾熱。)

其實，並不是廣州比香港熱。

只是，他們鄉鎮無規劃去建屋，Ｄ屋好密，擋晒Ｄ風，熱氣根本散不到，

整個鄉鎮變成個火爐咁。

有時，阿姨晚上開冷氣比大家睡。

雖然所調較的氣溫係２８度，但是，簡直已經係入左天堂咁。

現在回到香港，完全唔覺熱，仲覺得好涼快。LEE ｄ係咪叫做苦盡甘來呢 ?！

趣事 (3)

成$1000一副眼鏡

原來係 "廣州所有地方"，配一副平凡又無品牌的近視眼鏡，需要成 $1000咁貴。

但細心諗下，多數內地人每月收入只是千多元，

而且廣州生活指數好低，搭巴士都只是 $1。相比去眼鏡的價格，眼鏡真係貴得驚人。

就算在香港，成 $1000 一副平凡又無品牌的眼鏡都覺得貴啦。

話說，姨丈帶他兩個女兒 (即我表妹) 去廣州巿配眼鏡，我陪佢地去。

佢地去 "中山大學第一附屬眼科醫院" 驗近視和配眼鏡。

起初，我R晒頭，去 "醫院" 驗近視，好似跨張左D喎。

但細心想亦有道理，在大陸地方，去 "醫院" 驗眼及配鏡，

點都比普通眼鏡舖，專業和安心D，而且仲可睇埋有冇其他眼疾。

係香港，有配眼鏡的人都知，由 "驗眼機" 至 "入房" 帶眼鏡驗眼，全程大約30mins搞掂。

而揀選喜愛的 "眼鏡框" 的時間就因人而異啦。

係香港配鏡的 "程序" 係好簡單，d "店員"亦幾專業，

係廣州，佢地首先要 "登記掛號" <---15 mins

then "排隊"，有大約二百人排緊隊，我真係O晒咀。

我心想，咁多人排隊，肯定係好醫院。

由於，有十幾個眼科醫生住診，SO等左 "45鐘" 就可睇醫生

半年前，這間 "大學眼科醫院" 的醫生話，我10歲的細表妹 "有斜視"。

半年後，這間醫院的醫生又話，她跟本 "無斜視" 喎。

咁即是佢地斷錯症???  ( 咁叫做專業喎????????????) 我又 O 咀law ~

由於細表妹近視無加深，不用配新鏡。

但15歲的大表妹近視深左，要上一樓，繼續排隊等 "驗眼機" 驗眼。

又係百幾二百人排隊，但"驗眼機" 就得一部。 咁大間醫院，多放兩部機洗死咩，

搞到今次等左 "2個鐘"才有得驗 ~~

大表妹及所有人，去"驗眼機" 驗眼前，職員要先幫他們滴 一滴"眼藥水"。

我心想，驗近視 je ...，要滴 "眼藥水"??? ( R晒頭!!!)

職員話，滴完會驗得清楚D喎。(我就唔信啦，多此一舉 )

最搞笑係，職員滴眼藥水時 "神情凝重，眉頭緊縐"，

病人們 "表情嚴肅"，大家 "如臨大敵" 咁 ~

我不禁偷笑了出來 ~ (驗近視 je.....，唔洗咁呀......hahaha ~ )

原來，滴完藥水後，當天陽光會很刺眼，雙眼會瞪不開的。=.=

大表妹驗完 "驗眼機" 後，結果係，左眼少了 二百度近視，右眼少了一百度。=.=

再驗第二次, 結果又唔同。

不過，大家都知 "驗眼機"的結果，永遠都不準，要 "入房"帶眼鏡驗才準的。

Then, 大表妹要上2樓 "入房" 驗眼。

入房前，所有人又要到 房外的 "驗眼機" 再驗多次

(又要驗，煩唔煩架，少題大造，懶專業，直接"入房" 驗眼咪仲實際)

"入房" 驗眼後，醫生話，大表妹左眼只有4百度近視，並非半年前所說的5百度近視。

咁即係，佢地醫生又斷錯症?????  我表妹半年以來，咪帶左深一百度的眼鏡?!

我再一次O咀......

所謂的 "大學眼科醫院"，幾百人排隊，

收人成千蚊一副平凡的眼鏡，要滴埋眼藥水驗眼，

本來簡單的驗近視程序，搞到好繁複，

全程 "驗近視"的時間，要 "4個鐘" (香港半粒鐘搞掂)

一句講晒 佢地所謂的 "大醫院，懶專業，少題大造，其實謀取暴利"。

而得出的結果係，斷錯症 "兩宗" (大+細表妹) ~

最後，大表妹配左一副普通膠框眼鏡，費用近$1000。

問題係，大表妹帶了新眼鏡後，覺得仲朦過之前個副，咁即係點呢? =.=

照常理，帶新眼鏡只會有D暈，但會好清晰。

THEN，我都唔知講咩好，只好再次O咀~

在廣州的眼科醫院驗眼，已算是技術和眼鏡都有保證，但都搞成咁。

可想而知，普通眼鏡店得出的結果可能更差。=.=

所以，廣州的 "所有" 眼科醫院，就"屈機"收咁貴。群眾無奈接受。

根據 "廣州日報"所說，眼鏡框來貨價大約 $50，

而0至700度的鏡片來貨價大約 $100 - $200，這些鏡片的品質更是很好的。

這樣，佢地賣$1000一副的眼鏡，簡直就係 "吸血鬼"。